Markaziy bank uch toifadagi bank rahbarligiga shaxslarni tayinlashni taqiqladi. Mazkur taqiq Markaziy bankning 30-martdagi qarorida keltirib o‘tilgan, deb xabar beradi Spot.
Ushbu hujjat tijorat banklarining rahbarlari, boshqaruv a’zolari, bosh buxgalterlari va ularning filiallari, shuningdek, mikrokredit tashkilotlari va kredit byurolari rahbarlari uchun yangi talablarni tasdiqlaydi.
Talablarga muvofiq, barcha nomzodlar iqtisodiyot sohasida yuqori malakaga va bank sohasida ikki yildan o‘n yilgacha ish tajribasiga ega bo‘lishi kerak. Bundan tashqari rahbarlik lavozimiga nomzodlar, menejer sifatida tajribaga ega bo‘lishi ham kerak.
Bank va ularning filiallari rahbarligiga uch toifadagi nomzodlar tayinlanmaydi va tavsiya etilmaydi:
- Bankrotlikka uchragan yoki moliyaviy ahvoli yomonlashgan banklar, kredit uyushmalari, mikrokredit tashkilotlari va boshqa yuridik shaxslarning sobiq rahbarlari;
- sud qaroriga ko‘ra rahbar lavozimiga tayinlanmaydigan shaxslar;
- O‘zaro yaqin qarindosh bo‘lgan shaxslar bir bankda rahbarlik yoki moddiy javobgarlik bilan bog‘liq lavozimlarda biri ikkinchisiga bevosita bo‘ysunib yohud uning nazorati ostida birga ishlovchi nomzodlar.
Izoh (0)