Livanda birinchi marta olti egizak dunyoga keldi, deb yozadi “Vesti”. Bolalar Bayrutdagi avliyo Iosif kasalxonasida tug‘ildi.
Allaqachon to‘rt farzandning ota-onasi bo‘lgan livanlik er-xotin beshinchi farzand ko‘rishni niyat qilgan. Ammo homiladorlik chog‘ida bir yo‘la olti bola tug‘ilishi ma’lum bo‘lgan.
Chaqaloqlarning onasi o‘zini juda yaxshi his qilmoqda. Uch o‘g‘il va uch qiz egizaklar ham soppa-sog‘.
Bu dunyo amaliyotida juda kamyob hodisa, deyiladi xabarda. Bir yo‘la olti chaqaloq tug‘ilishi 4,5 milliontadan bitta holatda kuzatilishi mumkin.
Izoh (0)