Chechenistonning minglab aholisi Grozniy shahrining markaziy maydoniga Rossiya prezidenti saylovini qo‘llab-quvvatlash uchun chiqdi. Ular mashhur sportchilar boshchiligida 18 martadan mashqlar kompleksini bajargan. Bu haqda “RIA Novosti” xabar berdi.
“Millatlararo 180318 mashg‘ulotlari: chempionlar tanlovi” deb nomlanayotgan estafeta 1-martda Millatlar ishlari bo‘yicha federal agentlik tomonidan boshlangan. Estafetada barcha xohlovchilar ishtirok etishi mumkin.
Aksiyaning mazmuni shundaki, 18 mart — Rossiya Federatsiyasi prezidenti saylovi kuniga qadar mamlakatning barcha hududlarida ommaviy mashg‘ulotlar o‘tkaziladi. Mashg‘ulotlar chog‘ida 180318 ta sport mashqi bajariladi. Aksiya ijtimoiy tarmoqlarda ham bo‘lib o‘tadi.
Izoh (0)