Sankt-Peterburg Tog‘-kon universiteti rektori, Vladimir Putinning ilmiy rahbari Vladimir Litvinenko u uchun dissertatsiyani o‘zi yozib bergan. Bu haqda rektorning qizi Olga Litvinenko ma’lum qildi, deb yozadi Meduza.
Uning so‘zlariga ko‘ra, 1994-yilda Putinning ko‘magi bilan Litvinenko Tog‘-kon universiteti rektori bo‘lgach, OTMda soxta dissertatsiya tayyorlab, himoyadan muvaffaqiyatli o‘tkazib beruvchi professor va o‘qituvchilardan iborat jinoiy guruh tashkillashtirilgan.
Nomzodlik dissertatsiyasini tayyorlash narxlari 30 ming yevrodan boshlangan, doktorlik dissertatsiyasi — 50 dan 100 ming yevrogacha bo‘lgan.
Shu bilan birga, u otasi Rossiyaning bo‘lg‘usi prezidenti uchun dissertatsiyani bepul yozib bergan, deb hisoblaydi, chunki ularning “birgalikdagi bizneslari bo‘lgan”.
Izoh (0)