2018-yildan boshlab respublika yoshlar markazi xalq ta’limi vazirligi bilan hamkorlikda Toshkent shahri va Toshkent viloyatidagi mehribonlik uylarida xorijiy tillar, kompyuter savodxonligi to‘garaklari faoliyatini bosqichma-bosqich, izchillik bilan yo‘lga qo‘yish ishlari amalga oshirilmoqda, deb xabar beradi markaz matbuot xizmati.
Markaz tomonidan to‘garaklarga sohaning tajribali mutaxassislari jalb etilib, to‘garak a’zolari bilan interaktiv usullarda dars mashg‘ulotlari tashkil etilmoqda.
Navbatdagi ingliz tili mashg‘ulotlari joriy yilning 26-fevral kuni respublika yoshlar markazi xodimlari Mardonbek Eshqulov hamda Maftuna Asrorova tomonidan Toshkent shahrida joylashgan 21-sonli mehribonlik uyida tashkil etildi.
Mazkur tizim kabi ko‘chma to‘garaklarni keng miqyosda respublikaning barcha hududlarida tatbiq etish uchun respublika yoshlar markazi tomonidan amaliy ishlar qilinmoqda.
Izoh (0)