Toshkent viloyati bojxonachilari mamlakatga telefonlar orqali behayo videolar olib kirilishiga qarshi kurashmoqda

Qozog‘istondan Toshkent viloyatiga kirib kelish chog‘ida o‘tkazilayotgan tekshiruvlarda ko‘pgina shaxslar telefonlariga behayo videolar yozib olgani fosh qilinmoqda. Bu haqda “Daryo”ga boshqarma vakillari ma’lum qildi.

Toshkent viloyati bojxona boshqarmasi “G‘ishtko‘prik” chegara-bojxona kompleksi orqali Qozog‘iston fuqarosi S. Asambek O‘zbekistonga kirish chog‘ida ushbu shaxsning qo‘l telefoni qo‘zdan kechirilganida, unda 47 dona behayo mazmundagi videolar jamlangani ma’lum bo‘ldi.

Ushbu post orqali kirib kelgan S. Zolotovning qo‘l telefoniga esa 96 ta behayo mazmundagi videofayllar yuklangani fosh bo‘ldi.

Toshkentlik N. Tursunov qo‘shni davlatdan kirib kelayotganida qo‘l telefonida 154 ta behayo videolarni olib yurgani ma’lum bo‘ldi.

Qo‘l telefoni xotirasidan 232 ta behayo videolarga “joy ajratgan” J. Sa’diyev ham mazkur kompleksi orqali kirib kelar ekan, bojxonachilar tomonidan to‘xtatildi.

Hozirda ushbu holatlar yuzasidan bojxona tekshiruvlari va surishtiruv jarayonlari olib borilmoqda.