Namangan viloyat g‘aznachilik boshqarmasining rasmiy veb-sayti ishga tushirildi. Bu haqda viloyat hokimligi axborot xizmati xabar berdi.
Sayt imkoniyatlari bilan tanishar ekansiz, g‘aznachilik amaliyotlari, sohadagi yangiliklar va boshqa foydali havolalar qatori har oy va chorak yakuni bilan viloyat mahalliy budjetining prognoz ko‘rsatkichlari bajarilishi to‘g‘risida batafsil axborot taqdim etish yo‘lga qo‘yilganini ko‘rish mumkin.
Joriy yil 1-fevralidan boshlab UzASBO dasturiga ulangan budjet tashkilotlarining yuridik hamda moliyaviy majburiyatlari elektron hujjat shaklida yuboriladigan bo‘ldi. Bu orqali budjet tashkilotlari xodimlari ortiqcha vaqt va qog‘oz sarflashiga barham berildi.
— Avvallari budjet tashkilotlari bir to‘plam shartnomani rasmiylashtirishda 24 tagacha hujjat ilova qilardi. Endi bu hujjatlarning elektron shaklda qabul qilinayotgani qanchalik yengillik tug‘dirayotganini payqash qiyin emas, — deydi boshqarma boshlig‘i Faxriddin Salohiddinov.
Izoh (0)