Buxoro viloyati Buxoro tumanidagi xonadonda shinshilla parvarish qilinayapti, deb xabar beradi “Xalq so‘zi”.
“Janubiy Amerikada ko‘p uchraydigan bu jonivor qimmatbaho mo‘ynali hayvonlar sirasiga kiradi. Uni xorijdan keltirib, tabiiy iqlim sharoitimizga moslashtirishga erishdik. Shinshillaning mo‘ynasidan tayyorlangan kiyim-bosh ham, uning parhezbop go‘shti ham juda qadrlanadi. U har to‘rt oyda beshtagacha bolalaydi”, — deydi xonadon sohibi Xo‘ja Ashurov.
Tumandagi “Jo‘yzar — Jayhun agrosaxovat” fermer xo‘jaligi negizida shinshilla fermasini tashkil etish loyihasi amalga oshsa, 20 dan ziyod ish o‘rinlari yaratilishidan tashqari, shinshilla mo‘ynasini eksport qilish imkoniyati ham paydo bo‘ladi, deyiladi xabarda.
Izoh (0)