Toshkent shahrida xorijga mahsulotlarni eksport qilishda yordam va’da qilib, yarim million dollardan oshiq pulni olib ketgan shaxs aniqlandi. Bu haqda IIV jamoatchilik va OAV bilan aloqalar boshqarmasi ma’lum qildi.
2017-yil 1-dekabr kuni shaharning Yunusobod tumanida noma’lum shaxs Buyuk Turon ko‘chasi, 31-uy oldida 1982-yilda tug‘ilgan I.M ga Xitoy va Dubayga quritilgan mayiz eksportida yordam berishini aytib, undan 580 ming dollar oladi va yashirinadi.
Ko‘rilgan choralar natijasida ushbu jinoyatni Samarqand viloyati, Urgut tumani, Vag‘ashti qishlog‘ida yashovchi, 1983-yilda tug‘ilgan Hikmatullo Inoyatov sodir etganligi aniqlandi.
Izoh (0)