Shu kunlarda O‘zbekiston bo‘ylab Qur’on musobaqasining hududiy bosqichlari o‘tkazilmoqda. O‘zbekiston musulmonlari idorasi matbuot xizmati xabariga ko‘ra, g‘oliblarni taqdirlash va barcha ishtirokchilarga esdalik sovg‘alari topshirish ishlari diniy idora, joylardagi vakillik va homiylar tomonidan amalga oshirilmoqda.
Idora matbuot xizmatining qayd etishicha, qorilarni qo‘shimcha ravishda taqdirlashni istagan uzoq-yaqindagi saxovatpesha kishilar homiylik qilish taklifi bilan chiqmoqda.
Homiylik qilish istagini bildirganlar uchun O‘zbekiston Qur’on musobaqasi tashkiliy hay’ati tomonidan maxsus hisobraqam ochilgan edi. Endi Payme tizimi orqali to‘lovni amalga oshirish xizmati ishga tushirildi.
Buning uchun Payme tizimiga kirib, “To‘lov xizmatlari” bo‘limidan Qur’on musobaqasini qo‘llab-quvvatlash tugmasini tanlash lozim. Bir martada 500 so‘mdan 5 million so‘mgacha homiylik puli o‘tkazish mumkin.
Izoh (0)