O‘zbekiston Prezidenti Shavkat Mirziyoyev Toshkent shahrida amalga oshirilayotgan bunyodkorlik va obodonlashtirish ishlari bilan tanishmoqda. Bu haqda Prezident matbuot xizmati xabar berdi.
Bugun poytaxtimiz ulkan qurilishlar maydoniga aylangan. Yangidan-yangi inshootlar, korxonalar, tibbiyot va ta’lim muassasalari, ravon yo‘llar, ko‘priklar barpo etilmoqda. Xususan, qurilmoqda.
Davlat rahbari Yunusobod tumanida bo‘lib, Toshkent metropoliteni Yunusobod yo‘nalishining ikkinchi bosqichi qurilishi bilan tanishdi.
Metroning tunneli asosini yaratish maqsadida 305 metrda beton ishlari bajarilgan va 330 ta yig‘ma temir-beton konstruksiyalari o‘rnatilgan. Qurilishga 200 dan ortiq ishchi va muhandis jalb etilgan. Germaniya va Xitoydan zamonaviy texnika va mexanizmlar keltirilgan. Uzunligi 2,9 kilometrni tashkil etadigan ushbu yo‘nalishni 2019-yilda foydalanishga topshirish mo‘ljallangan.
Barcha sa’y-harakatlardan maqsad odamlarga qulaylik yaratish. Metropoliten va avtobuslar hamohangligini ta’minlash, bekatlarda yo‘lovchilar to‘planishini va harakatini monitoring qilish, tahlilllar asosida yo‘nalishlarni optimallashtirish, bu bo‘yicha har kuni ish olib borish zarur. Yo‘lovchilarni ko‘paytirish hisobidan yo‘l kirani arzonlashtirish choralarini ko‘rish kerak.Shavkat Mirziyoyev, O‘zbekiston Prezidenti
Shu yerda Toshkentda qurilayotgan yer usti metrosi bo‘yicha axborot berildi. Prezident ushbu metro qurilishini takomillashtirish, ilm asosida materiallar vaznini yengillashtirish, metro yo‘li ostidagi hududni obodonlashtirish, qo‘shimcha xizmatlarni yo‘lga qo‘yish yuzasidan ko‘rsatmalar berdi.
Izoh (0)