Avtomobillar bilan bog‘liq bitimlarni hisobga qo‘yish: Notariuslarga DYHXXdan oldin ko‘rsatma berildi

Adliya vazirining 2018-yil 15-yanvardagi 2090-16-sonli buyrug‘iga asosan Notariuslar tomonidan notarial harakatlarni amalga oshirish tartibi to‘g‘risidagi yo‘riqnomaga o‘zgartirish va qo‘shimchalar kiritildi, deb xabar berdi Norma.

Qabul qilingan hujjat ushbu yo‘l-yo‘riq doirasidan tashqariga chiqdi. Endilikda notariuslar “Notarius” avtomatlashtirilgan axborot tizimi orqali DYHXX organlariga hisobga qo‘yish uchun nafaqat aytib o‘tilgan bitimlar to‘g‘risidagi ma’lumotlarni, balki avtotransport vositalarini boshqa shaxsga berish (oldi-sotdi, almashtirish, hadya qilish, renta) shartnomalari to‘g‘risidagi ma’lumotlarni ham yuboradi. Notariuslar tomonidan yuboriladigan tasdiqlangan hujjatlar to‘g‘risidagi ma’lumotlarning to‘liq ro‘yxati quyidagi tarzda:

• avtotransport vositalarini boshqa shaxsga berish shartnomalari to‘g‘risida – ilgari avtomobilning texnik pasportida boshqa shaxsga o‘tkazilganligi to‘g‘risida qayd qo‘yilardi;
• transport vositasini boshqarish uchun ishonchnomalar to‘g‘risida — ilgari ishonchnomaga uni 10 kun ichida DYHXX organlarida hisobga qo‘yish zarurligi va ushbu talabni buzganlik uchun javobgarlik to‘g‘risida qayd qo‘yilardi;
• avtotransport vositasidan tekin foydalanish shartnomalari to‘g‘risida;
• avtotransport vositasining lizing shartnomalari — ilgari ishonchnomaga uni 10 kun ichida DYHXX organlarida hisobga qo‘yish zarurligi va ushbu talabni buzganlik uchun javobgarlik to‘g‘risida qayd qo‘yilardi.

Qayd etish joizki, ushbu sharhni e’lon qilish paytida quyidagilarga o‘zgartirish va qo‘shimchalar kiritilmagan:

• Avtomototransport vositalari bilan bog‘liq bitimlarni rasmiylashtirish tartibi to‘g‘risida nizom (2006-yil 7-martdagi 38-son VMQga ilova) – 10-bandda transport vositalarini boshqa shaxsga berish shartnomalari hisobga qo‘yilishi emas, balki DYHXX organlarida ro‘yxatga olinishi lozimligi mustahkamlanadi;
• Avtomototransport vositalarini davlat ro‘yxatidan o‘tkazish tartibi to‘g‘risida nizom (2017-yilning 31-avgustidagi 683-son VMQga 1-ilova) – 13-bandda avtomototransport vositasining egasi uni ro‘yxatdan o‘tkazish uchun DYHXX organiga mulk huquqi va boshqa ashyoviy huquqlarni tasliqlovchi hujjatni taqdim etishini mustahkamlanadi.

Shu bois yangi tizimning uzluksiz ishlashini ta’minlash uchun keyinchalik o‘zgartirish va qo‘shimchalar kiritilishi ehtimoli katta.

Hujjat 2018-yil 15-yanvarda e’lon qilindi va kuchga kirdi.