Foto: Toshkentga oshiqayotgan Benoy — u nimalar qurgan?

Benoy — jahondagi eng yirik xalqaro arxitektura va dizaynerlik byurolaridan biri bo‘lib, unga 1947-yili Gordon Benoy va uning hamkorlari tomonidan asos solingan. ArchiKultura’ning yozishicha, faoliyatining dastlabki davrida kompaniya asosan qishloq xo‘jaligi binolari va inshootlarini loyihalashtirgan.

Bahrayn poytaxti Manamadagi Bahrain Marina

Makaodagi City of Dreams majmuasi

Vyetnam poytaxti Xanoydagi Han Jardin

Kompaniyaning bosh qarorgohi Britaniyaning Nyuark shahrida joylashgan. Vaqt o‘tishi bilan imkoniyatlar kengayib, 1995-yili Londonda kompaniyaning yangi bo‘linmasi tashkil etilgan. Benoy byurosi 2008 va 2013-yillarda qirolicha Yelizaveta II ning qo‘lidan nufuzli sovrinlarni qabul qilib olgan.

Britaniyaning Manchester shahridagi MediaCityUK

Nyu-Dehlidagi The Amaryllis

Ukraina poytaxti Kiyevdagi Markaziy univermag binosi

Shvetsiya poytaxti Stokgolmdagi Mall of Scandinavia majmuasi

Benoy’ning loyihalari kreativligi, originalligi va yuqori sifat darajasida bajarilishi bilan obro‘-e’tibor qozongan. Kompaniya arxitektura konsepsiyalarini tayyorlash, interyer va grafik dizaynni rejalashtirishga ixtisoslashgan bo‘lib, ko‘p funksional ulkan loyihalarni ishlab chiqish bo‘yicha katta tajribaga ega.

Kanadaning Monreal shahridagi Royalmount

Vyetnam poytaxti Xanoydagi Yen So Park

Xitoyning Suchjou shahridagi Suzhou Center

Shanxaydagi DreamCenter

Byuroning vakolatxonalari, Londondan tashqari, Abu-Dabi, Gongkong, Shanxay, Singapur, Mumbay, Pekin, Melburn va boshqa shaharlarda joylashgan. Benoy amalga oshirgan loyihalar geografiyasi jahonning 80 ga yaqin mamlakatini qamrab oladi.

Kompaniya o‘z mehnat jamoasi — Buyuk Britaniya, Yaqin Sharq, Hindiston, Xitoy va Osiyoning boshqa mamlakatlaridagi dizayn-studiyalarda ishlayotgan iqtidorli arxitektorlari bilan faxrlanadi. Aynan mana shunday jamoa, uning iste’dodi va tajribasi sharofati bilan Benoy jahon darajasidagi arxitektura byurosiga, yetakchi ijodiy kuchga aylangan.

Xitoyning Ninbo shahridagi Ningbo New World

Abu-Dabidagi Ferrari World

Misr poytaxti Qohiradagi KM45

Hindistondagi Supernova osmono‘par binosi

Kompaniya vakillarining fikricha, “loyiha ustidagi ish ijod, hamkorlik va muloqotga asoslanmog‘i lozim”. Shu bois ham kompaniya portfoliosidan amalga oshirib bo‘lingan 400 dan ziyod loyiha o‘rin olgan, ular orasida — “Alibaba.com”ning bosh qarorgohi, Kiyevdagi yangilangan Markaziy univermag, ultazamonaviy Mall of Scandinavia savdo-ko‘ngilochar majmuasi (SKM), Singapurdagi Jewel Changi aeroporti, Yevropadagi eng yirik SKM — Bluewater, Hindistondagi Supernova osmono‘par binosi va boshqalar bor.

Ozarbayjon poytaxti Bokudagi Caspian Waterfront

Chexiyaning Olomouts shahridagi Galerie Santovka

Singapurdagi Jewel Changi aeroporti

Londondagi Battersea Water Station

Kompaniya falsafasi shunday — jahonning barcha nuqtalaridan madaniyat va tajribani to‘plab, ko‘plab mamlakatlardagi mijozlar va professional hamkasblar bilan aloqalar o‘rnatish.

“Biz o‘z bilim va tajribalarimizni eksport qilib, tadqiqot dasturi yordamida yangi g‘oyalarni import qilamiz. Eng asosiysi, mijozlarimiz mana shunday mahalliy tasavvur va ‘global nazar’ qorishmasidan foyda ko‘radi... Istiqomat qilayotgan shahrimiz muhitini yaxshilash bilan biz o‘zimiz-da faxrlanishimiz mumkin bo‘lgan meros qoldirishimiz mumkin”, — deydi kompaniya vakillari.

ArchiKultura’ning yozishicha, Benoy O‘zbekistonda ham o‘ziga xos arxitektura loyihasini amalga oshirish arafasida turibdi.