Mirziyoyevning Toshkent viloyatiga safari, Denovda tayyorlanadigan megapalov, Qibrayda yonib ketgan pampers zavodi va kunning boshqa muhim xabarlari

5-yanvarning e’tiborga molik yangiliklari — “Daryo”ning kechki dayjestida.

1. O‘zbekiston Prezidenti Shavkat Mirziyoyev Toshkent viloyati bo‘ylab safar qildi. U Zangiotadagi logistika markazini borib ko‘rdi, yangiyo‘lliklar bilan uchrashdi, Bo‘stonliqni kartoshkachilikka ixtisoslashtirish kerakligini aytdi.

2. GM Uzbekistan avtomobillariga aksiz solig‘i 5 barobar kamaytirildi. O‘tgan yilning boshida GM Uzbekistan AJ yengil avtomobillariga aksiz solig‘i stavkasi 29 foizga teng bo‘lgan.

3. Toshkentdan Chimkentga ilk avtobus jo‘nab ketdi. 8-yanvardan muntazam qatnovlar yo‘lga qo‘yiladi. Kuni kecha Qozog‘istondan O‘zbekistonga tovarlarni olib kirishdagi 10 dollarlik cheklov amalda 1000 dollargacha oshirilgani haqida xabar berilgan edi.

4. Qibrayda bolalar tagliklari zavodi butkul yonib ketdi. Zavod Sof Gigienik kompaniyasiga tegishli bo‘lib, bu yerda Jonny Baby savdo belgisi ostida mahsulotlar tayyorlangan.

5. “Abu Saxiy”ning nomi “Toshkent ipak yo‘li”ga o‘zgargani haqidagi ilk rasmiy ma’lumotni Prezident matbuot xizmati berdi. Nomi o‘zgargach, davlat budjetiga bozordan avvalgiga nisbatan 14 baravar ko‘p pul tusha boshlagan.

6. Surxondaryoda 14-yanvar kuni 9 tonnalik osh tayyorlanadi. Denovlik oshpazlar dunyodagi eng katta hajmli palovni tayyorlash bo‘yicha rekordni yangilash niyatida.