Vazirlar Mahkamasining 2017-yil 28-dekabrdagi 1025-sonli qaroriga muvofiq 1-yanvardan boshlab iste’molchilarning ayrim toifalariga tabiiy gaz uchun tariflar oshirildi. Bu haqda “O‘ztransgaz” AK matbuot xizmatiga tayanib, UZ24 xabar berdi.
Tabiiy gaz realizatsiya qilishda ularga nisbatan narx belgilashning (1 metr kub gaz uchun 1000 so‘m) alohida tartibi belgilanadigan iste’molchi tashkilotlar ro‘yxati:
- Pishirilgan g‘isht, asfalt va sement ishlab chiqaruvchi, energiya jihatidan samarali texnologiyalar va uskunalarni joriy etgan, shuningdek, yoqilg‘ining muqobil turlaridan (ko‘mirdan), shu jumladan, sement ishlab chiqarishning “quruq usuli”dan foydalanuvchi korxonalar;
- Pishirilgan g‘isht, sement, asfalt ishlab chiqaruvchi korxonalar (ushbu ilovaning 1-bandida ko‘rsatilgan korxonalar bundan mustasno);
- Ohaktosh va gips qazib oluvchi, qayta ishlovchi va ishlab chiqaruvchi korxonalar;
- Beton va temir-beton buyumlar ishlab chiqaruvchi korxonalar;
- Issiqxona va issiqxona-parnik xo‘jaliklari;
- Chinni va fayansdan buyumlar ishlab chiqaruvchi korxonalar;
- Restoranlar, kafe, tantanalarni o‘tkazish obyektlari va boshqa umumiy ovqatlanish obyektlari (mehmonxonalar va ularga tegishli bo‘lgan hududda joylashgan obyektlar bundan mustasno);
- Gips-karton, yo‘lakbosh va keramika plitalari, bruschatkalar, keramik va sement-qum cherepitsalar, quruq qurilish aralashmalari, shuningdek, quvur buyumlari ishlab chiqaruvchi korxonalar.
Izoh (0)