So‘nggi oylarda Rossiya tankerlari Shimoliy Koreyaga kamida uch marta yoqilg‘i yetkazib bergan. Bu haqda Reuters agentligi o‘zining ikki nafar manbasiga asoslanib ma’lum qildi, deb xabar berdi “Korrespondent.net”.
Ularning so‘zlariga ko‘ra, Rossiya ushbu harakatlari orqali BMT sanksiyalarini buzmoqda.
Ta’kidlanishicha, Rossiyadan KXDRga yoqilg‘ining noqonuniy tashilishi dengizda yuklarni tashish hajmining o‘sishiga olib kelgan.
“Rossiya kemalari bir necha bor neft mahsulorlarini bir kemadan boshqasiga o‘tkazib, sanksiyalarni buzgan”, — deydi manbalardan biri.
“Bu ishlarning ortida Rossiya hukumati turganligi borasida birorta isbot yo‘q, biroq rus kemalari Shimoliy Koreyaga yo‘lini davom ettirmoqda”, — deya ikkinchi manba ham bunga oydinlik kiritdi.
Reuters’ning qayd etishicha, ikkala manba ham dengiz razvedkasi ma’lumotlari va Tinch okeanida suzib yurgan Rossiya kemalarining sun’iy yo‘ldoshdan olingan suratlariga tayanib xabar bergan.
Izoh (0)