Toshkent tumanida 2013-yilning avgust oyida ikki fuqaro N.G‘ ismli shaxsni aldab, uning 13 500 dollar pulini qo‘lga kiritgan, deb xabar berdi Toshkent viloyati IIB matbuot xizmati.
Firibgarlar 1970-yilda tug‘ilgan N.G‘.ning ishonchini suiiste’mol qilib, 20 000 dollar evaziga “yer uchastkalarini olib beramiz”, deb aldagan va uning qo‘liga mulkka egalik huquqini beruvchi soxta qarorlarni bergan.
Ushbu qarorlar davlat arxivi qaydlarida ham mavjudligini aytib, undan 13 500 dollarini olgan va shu kunga qadar qaytarib bermay o‘z ehtiyojlariga ishlatib yuborganlar.
Hozirda ularga nisbatan O‘zbekiston Respublikasi Jinoyat Kodeksining 168-moddasi 2-qismi bilan jinoyat ishi qo‘zg‘atildi.
Izoh (0)