Chilining Los-Lagos hududiga sel kelishi oqibatida 15 kishi halok bo‘ldi, deb xabar berdi “RIA Novosti”.
Chili yong‘in xavfsizligi xizmatining ma’lumotlariga ko‘ra, 22-dekabr kuni Villa-Santa-Lusiya qishlog‘ida qulab tushgan uy vayronalari ostida kichkina qizning jasadini chiqarib olingan. Shu bilan birga halok bo‘lganlar soni hozircha 15 kishiga yetgan, yana bir necha kishi bedarak yo‘qolgan deya hisoblanmoqda.
Sel shiddatli yomg‘ir oqibatida yuzaga kelgan. Umumiy miqdorda 200 ga yaqin uy vayron bo‘lgan. Tabiiy ofat ichimlik suvi va elektr energiyasining uzilishiga olib kelgan, hozirda avariyalar bartaraf etilgan.
Izoh (0)