O‘zbekiston musulmonlari idorasi tasarrufidagi diniy ta’lim muassasalarida arab tili fani bo‘yicha pulli o‘quv kurslari tashkil etildi. Bu haqda idora matbuot xizmati xabar bermoqda.
Mazkur o‘quv kurslari 2018-yilning 2-yanvaridan boshlab o‘z faoliyatini boshlaydi.
O‘quv kurslarida tahsil olish istagida bo‘lgan tinglovchilarning hujjatlari 25—27-dekabr kunlari soat 09:00 dan 17:00 gacha barcha ta’lim muassasalarida qabul qilinadi.
Xabarda qayd etilishicha, o‘quv kurslariga 18 yoshga to‘lgan O‘zbekiston fuqarolari suhbat asosida qabul qilinadi.
Diniy ta’lim muassasasiga quyidagi hujjatlarni taqdim etadi:
—Rektor nomiga ariza;
—Sog‘ligi haqida tibbiy ma’lumotnoma (U-086-shakl);
—Pasport nusxasi (asli ko‘rsatiladi);
—4 dona fotosurat (3,5 x 4,5 hajmdagi);
—Yashash joyidan ma’lumotnoma.
Izoh (0)