Nyu-Yorkdagi auksionda 709 qirotli brilliant 6,5 million dollarga sotildi. U dunyodagi eng yirik brilliantlardan biri hisoblanadi. Bu haqda “Korrespondent.net” xabar bermoqda.
Qayd etilishicha, brilliant 2017-yilning mart oyida Syerra-Leoneda namoyish etilgan edi. Qimmatbaho tosh mamlakat sharqidagi Kono tumanida topilgan. Bu mamlakat tarixidagi eng katta brilliant va dunyoda topilgan qimmatbaho toshlar o‘rtasida hajmi bo‘yicha 14-o‘rinda turadi.
Ma’lumotlarga ko‘ra, brilliantni britaniyalik zargar Lorens Graff xarid qilgan. Qimmatbaho toshni topgan guruh uni sotishdan tushgan pul Syerra-Leoneni obodonlashtirishga sarflanishiga umid qilgan holda brilliantni mamlakat hukumatiga topshirdi.
Izoh (0)