Joriy yilni avgust oyini oxirida Rossiyaning “Avanti” tadbirkorlar uyushmasi Markaziy bankka Vladimir Putinni tasviri tushirilgan cheklangan miqdordagi kupyuralarni bosib chiqarish taklifini bildirgan edi. Noyabr oyi oxirida “Avanti” prezidenti Raxman Yansukovga Markaziy bankdan javob xati keldi, deb xabar berdi “RBK”.
“Mavjud an’analariga ko‘ra, Rossiya banki banknotalarida mamlakatning amaldagi siyosatchilari va jamoat arboblarining suratlaridan foydalanilmaydi”, — deyiladi Rossiya bankining nadq pul muomalasi bo‘limi direktori Aleksandr Yurovning javob maktubida.
Javob xati 25-avgustda yozilgan bo‘lib, keyinroq Yurov nafaqaga chiqib ketgan va 9-oktabr kuni uning o‘rnini Aleksandr Laxtikov egallagan.
Banknota dizayni ustida Rossiya banki va “Goznak” AJ rassomlari tomonidan ishlangan.
“Avanti” prezidenti Yansukovning fikricha, yangi banknotaning joriy etilishi rus jamiyatini birlashtiradi va fuqarolarda “pul vositalariga bo‘lgan madaniyat darajasi”ni oshiradi.
“Fikrimcha, ushbu holatda ‘yuzaga kelgan vaziyat’ sababli istisno qo‘llanilsa bo‘ladi, axir Vladimir Putin butun rus xalqini xalqaro sanksiyalar davrida birlashtirgan bizning milliy yetakchimiz. Menimcha, ushbu tashabbus Vatanimiz aholisining aksariyat qismi tomonidan qo‘llab-quvvatlanadi”, — deydi Yansukov.
2017-yilning 12-oktabri kuni Rossiya Markaziy banki 200 va 2000 rubl qiymatidagi banknotlarni muomalaga kiritgan edi.
Izoh (0)