Ramzan Qodirov muxolifatchi siyosatchi Boris Nemsovning o‘ldirilishi haqidagi ish bo‘yicha sud qaroridan norozi ekanligini aytdi, deb yozadi “Gazeta.ru”.
“Mening tushunchalarim bo‘yicha, mening ma’lumotlarimga ko‘ra, ular aybdor emas. Bu shuni anglatadiki, men haligacha bu noto‘g‘ri deb hisoblayman. Kimgadir bu kerak edi, uning qandaydir gunohi bor edi, Nemsovni o‘ldirishdi — yana hammasini Qodirovga to‘nkashdi. Hamma Qodirov Nemsovni o‘ldirdiga chiqarib yubordi. Nemsov — shaxsan men uchun va bizning jamoamiz uchun maqbul odam edi”, — dedi u teledasturlardan birida.
U shuningdek, “bu kimga kerak bo‘lganligini” bilmasligini aytdi.
“Kimgadir ishni yopish kerak edi, kimdir ishtirokchilarni topganini aytishi kerak edi — bizda xato qarorlar ana shunday bo‘ladi. Men o‘ylaymanki, tarixning o‘zi baho berib, barchasini o‘z o‘rniga qo‘yadi”, — deya xulosa qildi u.
Izoh (0)