Samarqand shahar hokimi Furqat Rahimov Sattepo massividagi uylardan birida istiqomat qiluvchi nogironning holidan xabar oldi. Bu haqda Facebook’dagi “Samarqand va samarqandliklar” guruhi a’zosi ma’lum qildi.
Uning yozishicha, u ushbu voqeaga Sattepoda turadigan do‘stinikiga borgan vaqtda tasodifan guvoh bo‘lgan. “To‘g‘risini aytsam, shahar hokimi kelib, o‘zi birinchi marta ko‘rib turgan odamdan hol-ahvol so‘rashi men uchun hayratlanarli holat bo‘ldi”, — deb yozadi foydalanuvchi.
Mezbonning qo‘shnilari hokimning tashrifidan xabar topgach, u bilan suhbatlashish uchun hovliga chiqqan. Furqat Rahimov Sattepo massivi bo‘yicha bo‘lg‘usi rejalar haqida gapirgan. Hokimning so‘zlariga ko‘ra, ko‘p qavatli uylarda yashash uchun qulay sharoitlar yaratish borasida “Shinam uy” shiori ostida rejalar amalga oshiriladi. “Shinam uy” dasturi ko‘p qavatli uylar hovlilarini ko‘kalamzorlashtirish, bolalar va sport maydonchalarini qurish, kitob burchagini yaratish va boshqalarni o‘z ichiga oladi.
“Aynan bizning shahrimiz hokimi ana shunday g‘amxo‘r ekanligidan faxrlanib ketdim”, — deb yozadi foydalanuvchi.
Izoh (0)