O‘zbekiston Prezidenti Shavkat Mirziyoyev uning Anqaraga tashrifi arafasida Turkiya fuqarolarining O‘zbekistonga kirish vizalarini olishi jarayoni soddalashtirilganini ikki mamlakatning yaqinlashuvi yo‘lida bor-yo‘g‘i ilk qadam ekanini ma’lum qildi.
“Kun kelib, bu ikki do‘st va birodar xalq o‘rtasida vizalar bo‘lmaydi. Biz albatta buning uchun harakat qilamiz”, — dedi Shavkat Mirziyoyev 25-oktabr kuni Turkiya prezidenti Rajab Toyyib Erdo‘g‘on bilan olib borilgan muzokaralardan so‘ng jurnalistlar oldida chiqish qilarkan.
“20 yillik tanaffus davomida bir-birimizni sog‘inganimiz ko‘zlarimizdan ko‘rinib turibdi”, — deya qayd etdi Mirziyoyev. Uning qayd etishicha, muzokaralar vaqtida mamlakat yetakchilari bir-birlarini “yarim so‘zdan emas, gapirmasdan, ko‘zdan tushungan”.
Izoh (0)