Rossiyadagi Shimoliy Koreyaga yo‘llanmalarga ixtisoslashgan birinchi agentlik — NKorean ushbu mamlakatga AQSh bilan yadro urushi xavfi tufayli sayyohlar oqimi kamaymaganini qayd etdi. Bu haqda mazkur firma sotuvlar bo‘yicha menejeri Yuliya Xapryashkina “Moskva” shahar yangiliklari agentligiga ma’lum qildi.
“Biz avgust oxiridan beri ishlayapmiz. Sayyohlar oqimi shu paytgacha barqaror va faol, pasayish kuzatilmadi. 30-oktyabrda katta guruh jo‘nab ketyapti, Yangi yilga, yanvar oyida tog‘-chang‘i kurortida dam olishga, hatto aprelda Pxenyanda bo‘lib o‘tadigan xalqaro marafonga buyurtmalar bor. Odamlar boryapti, qiziqish bor, hech kim hech narsadan cho‘chiyotgani yo‘q”, — dedi Xapryashkina.
Menejerga ko‘ra, agentlik narxi 60 mingdan 140 ming rublgacha (1000 dollardan 2,4 ming dollargacha), davomiyligi esa 5 kundan 15 kungacha bo‘lgan turlarni taklif etmoqda. Pxenyanga parvoz Vladivostok shahridan amalga oshiriladi.
Ekskursiyalar Pxenyan va uning yaqinidagi hududlarga sayyohat, tog‘-chang‘i turlari Masikren kurorti, plyaj turlari esa Mazon kurortiga safarni o‘z ichiga oladi.
Izoh (0)