Fotogalereya: Eng mashhur xususiy samolyotlar

Robb Report nashri o‘zining qulayligi, arzonligi va imkoniyatlari bilan dunyodagi eng mashhur xususiy samolyotlar haqida ma’lumot to‘plab taqdim etdi.

Cessna Citation Mustang

“Havo taksisi” VLJ (Very Light Jet) — tezkor va eng tejamkor xususiy samolyot. Mustang — kichik guruhlar uchun 2 soatgacha bo‘lgan qisqa reyslarni amalga oshirishda foydalanish mumkin bo‘lgan ideal samolyot hisoblanadi.

Ushbu samolyot orqali Londondan Parijga uchish narxi (bir tomonga) 3500 dollardan boshlanadi.

Cessna Citation XLS Family

Dunyodagi eng mashhur xususiy reaktiv samolyot. Uning orginal XL versiyasi hamda yangi XLS va XLS+ versiyalari mavjud. Samolyot 8 kishigacha bo‘lgan guruhni 3—4 soatlik reyslarda tashishga mo‘ljallangan.

Ushbu samolyot orqali Londondan Parijga uchish narxi 5200 dollardan boshlanadi.

Cessna Citation jets

Cessna Citation’ning o‘zining boshqa modellari, jumladan, CJ2, CJ3, Citation II hamda Citation Bravo biznes jetlar orasida hamon mashhur. Bunga uning qisqa masofalarga charter reyslarni amalga oshirishdagi ulkan tajribasi sabab bo‘lgan.

Ushbu samolyot orqali Londondan Parijga uchish narxi 3900 dollardan boshlanadi.

Embraer Phenom 100

Citation Mustang’ning asosiy raqibi — to‘rt o‘rindiqli Phenom 100 hisoblanadi. Uning ichida hojatxona va bagaj uchun alohida joy mavjud.

Ushbu samolyot orqali Londondan Parijga uchish narxi 3800 dollardan boshlanadi.

Beechcraft Super King Air

Super King Air — qisqa masofali charter reyslari hamda kalta uchish-qo‘nish yo‘laklariga moslanuvchanligi bilan mashhur.

Ushbu samolyot orqali Londondan Parijga uchish narxi 3700 dollardan boshlanadi.

Bombardier Learjet 45

Sakkiz o‘rindiqli Learjet 45 Citation XLS’dan ancha tezkor va qo‘shimcha imkoniyatlarga ega.

Ushbu samolyot orqali Londondan Parijga uchish narxi 5200 dollardan boshlanadi.

Bombardier Challenger 850

Ushbu samolyot 5—6 soatlik reyslarda parvoz etishga qodir. Shuningdek, u 14 kishigacha bo‘lgan guruhni qisqa reyslarga tashishi mumkin.

Ushbu samolyot orqali Londondan Parijga uchish narxi 14 500 dollardan boshlanadi.

Piaggio Avanti

Italiyaning ushbu bejirim samolyoti nafaqat o‘zining shovqinsizligi bilan, balki yetti o‘rindiqli keng kabinasi bilan ham mashhur.

Ushbu samolyot orqali Londondan Parijga uchish narxi 4800 dollardan boshlanadi.

Embraer Phenom 300

Super yengil va o‘rtacha samolyotlar orasida yetti o‘rindiqli Phenom 300 nafqat charterlar uchun qulayliligi bilan, balki kabinasining shinamligi va krovatlari mavjudligi bilan ham e’tiborga molik.

Ushbu samolyot orqali Londondan Parijga uchish narxi 4500 dollardan boshlanadi.