Saudiya Arabistoni qiroli saroyiga hujum qilgan kishining shaxsi aniqlandi

Saudiya Arabistoni ichki ishlar vazirligi qirol Salmon bin Abdulaziz al Saudning Jiddadagi saroyiga hujum qilishga urinish haqidagi axborotni tasdiqladi, deb yozadi “Gazeta.ru”.

Hodisa 7-oktabr kuni mahalliy vaqt bilan 15:15 (Toshkent vaqti bilan 17:15) atrofida  yuz berdi. Saroy darvozasi yoniga Hyundai avtomobilida bir erkak kelib, o‘t ocha boshladi.

Natijada o‘qotar o‘ldirildi, ammo ikki qo‘riqchi xodim halok bo‘ldi, yana uch kishi yaralandi.

O‘qotarning shaxsi aniqlandi — u 28 yoshli Saudiya Arabistoni fuqarosi Mansur al-Amriy bo‘lib chiqdi.

Hujum qilgan shaxsning yonidan Kalashnikov avtomati va uchta “Molotov kokteyli” topildi.

Ayni paytda hodisa yuzasidan tekshiruv olib borilmoqda.