GM Uzbekistan tomonidan ishlab chiqarilgan avtomobillarni Rossiya bozorida sotish bilan shug‘ullanuvchi Ravon Motors Rus futbol bo‘yicha Rossiya milliy terma jamoasi homiysiga aylandi. Bu haqda kompaniya saytida ma’lumot berildi.
Shartnoma 1-oktabrdan rasman kuchga kirgan bo‘lib, u JCh—2018 startiga qadar amalda bo‘lishi aytilgan. Bu borada Rossiya Futbol Uyushmasi Ravon brendini reklama qilishni Janubiy Koreya va Eronga qarshi xalqaro o‘rtoqlik o‘yinlaridan boshlaydi.
O‘zbekiston milliy terma jamoasini JCh saralashida qoldirib ketganlardan Janubiy Koreya 7-oktabr kuni Rossiyaga qarshi saf tortsa, oradan uch kun o‘tib, aniqrog‘i, 10-oktabr kuni forslar Rossiya yashil maydonlarida ko‘rinish beradi.
Biz Rossiya Futbol Uyushmasi bilan hamkorlik qila boshlaganimizdan xursandmiz. Mamlakat bosh jamoasi progress sari intilmoqda, tarkibdagi asosiy pozitsiyalarni sekin-astalik bilan yoshlar to‘ldirmoqda. Buni ko‘rmay qolishning shunchaki iloji yo‘q.O‘zaro hamkorlik doirasidan sport tadbirlarini birgalikda o‘tkazish, Rossiya futbolini qo‘llab-quvvatlash, bolalar uchun mashhur futbolchilar ishtirokida master-klass o‘tkazish kabilar o‘rin olgan.Men ishonamanki, Rossiya termasi Jahon Chempionatiga qadar bo‘lgan yo‘l davomida nomdor termalarga qarshi o‘zini yorqin tomondan namoyish qila oladi va ilk bor Rossiyada o‘tayotgan mundialda ham munosib to‘p suradi. Umid qilamizki, bu hamkorlik Ravon markasiga bo‘lgan e’tiborni oshiradi, sportga chanqoq bo‘lgan yoshlar hamda doimo harakatdagi odamlar qiziqishlariga sabab bo‘ladi.
Sharof Ashurov, Ravon Motors Rus bosh direktori
Rossiya Futbol Ittifoqi Ravon Motors Rus kompaniyasini milliy terma jamoa homiylaridan tashkil topgan ahil oilada ko‘rishdan xursand. Ishonamanki, hamkorlik uzoq davom etadi va ikki tomonlama foydali bo‘ladi.Aleksandr Alayev, RFU bosh direktori
Izoh (0)