Saudiya Arabistoni ta’lim vazirining o‘quv dasturlari masalalari bo‘yicha o‘rinbosari Muhammad bin Attiya Al Haritiy katta sinf o‘quvchilari uchun mo‘ljallangan tarix darsligida magistr Yoda tasvirlangani tufayli ishdan bo‘shatildi, deb yozadi Gulf News.
Mamlakat ta’lim vaziri, shuningdek, kitobni o‘qib chiqqan va tahrirlaganlarni ham o‘z lavozimlaridan bo‘shatish haqida qaror chiqardi.
Eslatib o‘tamiz, Saudiya Arabistonida maktab darsliklaridan birida qirol Faysal “Yulduzlar jangi” personaji Yoda bilan birga aks etgan surat aniqlangan edi. Suratda Yoda Saudiyaning uchinchi qiroli 1945-yilda BMT Ustavini imzolayotgan paytda uning yonida turibdi. Rasmni saudiyalik rassom Shaviish yaratgan, ammo u o‘zining asari qanday qilib darslikka tushib qolganini bilmasligini aytdi.
Izoh (0)