O‘zbekiston Tashqi ishlar vaziri Abdulaziz Komilov BMT Bosh assambleyasi 72-sessiyasidagi ishtiroki doirasida Nyu-Yorkda AQSh prezidentining milliy xavfsizlik bo‘yicha maslahatchisi yordamchisi Liza Kyortis bilan uchrashdi. Bu haqda TIV matbuot xizmati xabar bermoqda.
Suhbat davomida tomonlar O‘zbekiston — AQSh kun tartibining dolzarb masalalari yuzasidan fikr almashdi. O‘zbekiston Prezidenti Shavkat Mirziyoyevning AQShga tashrifi doirasida bo‘lib o‘tgan ikki davlat iqtisodiy tizimlari ishtirokidagi biznes-forum natijalarini yuqori baholadi.
Xalqaro va mintaqaviy muammolar muhokamasi chog‘ida Afg‘onistondagi vaziyatni tinch yo‘l bilan izga solish istiqbollariga alohida e’tibor berildi.
Suhbatda AQSh Davlat kotibining Janubiy va Markaziy Osiyo ishlari bo‘yicha yordamchisi o‘rinbosari Daniel Rozenblyum ishtirok etdi.
Izoh (0)