Chekuvchilar bo‘lgan uyda qanday o‘simliklarni o‘stirish mumkin?

Bugungi kunda, jamoat joylarida chekish huquqi keskin chegaralangan bir paytda, chekuvchilar faqat o‘z uylaridagina bemalol cheka oladi. Eng insoflilari balkonda chekadi, lekin qishda u yerda ham qiyin bo‘ladi. Shuning uchun odatda oshxona “chekish joyi”ga aylanadi, u yerdan esa zararli tutun butun xonadon bo‘ylab tarqaladi.

Bu zararli odatdan qutulish qanchalik qiyin ekanligini tajribali chekuvchilar biladi. Yozuvchi Mark Tven butun muammoni juda yaxshi ta’riflaydi: “Chekishni tashlashdan ham osonroq narsa yo‘q, men o‘zim uni yuz marta tashladim”.

Lekin tamaki tutunining atrofdagilarga zararli ta’sirini kamaytirish mumkin va kerak, bunga esa xona ichida o‘sadigan o‘simliklar yordam beradi.

1. Spatifillum haqiqiy “universal havo tozalovchi” hisoblanadi, u tamaki tutuni tarkibidagi faqat formaldegid va trixloretilendan emas, balki boshqa zararli moddalardan ham tozalaydi. Agar bu o‘simlik vannaxonaga qo‘yilsa, u mog‘or sporalari paydo bo‘lishining oldini oladi.
2. Betel palmasi uy havosini ajoyib tarzda butunlay tozalaydi, shu jumladan tamaki tutuni tarkibidagi zararli moddalardan ham.
3. Xlorofitum uglerod oksidini va boshqa zaharli moddalarni, shu jumladan formaldegidlarni ham o‘ziga juda yaxshi tortib oladi. NASA uni shu xususiyatlariga ko‘ra xona o‘simliklari ichida eng samarali havo tozalovchilar uchligiga kiritdi.
4. Sanseviyeriya o‘simligi formaldegidlar qatorida azot oksidlarini ham tozalay oladi.
5. Bambukli palma – formaldegidlarni samarali tarzda yutuvchi, shuningdek u havoning tabiiy namlovchisi ham hisoblanadi.

Manba: “Xitrosti jizni”