AQSh senati 700 milliard dollarlik mudofaa siyosati haqidagi qonun loyihasini ovozga qo‘ydi, bu o‘tgan yilgi mudofaa budjetidan 73 milliard dollarga ko‘p demakdir, deb xabar berdi “Korrespondent.net”.
“Amerika qonun chiqaruvchilari shu usulda prezident Donald Trampning mudofaa xarajatlarini ko‘paytirish va AQSh harbiy kuchini oshirishga bo‘lgan harakatini qo‘llab-quvvatladi. Shu bilan birga senatorlar bu yildagi davlat sarf-xarajatlarining darajasiga bog‘liq ravishda siyosiy kurashlar sharoitini yaratdi”, — deyiladi xabarda.
Ovoz berish jarayonlarida 79 nafar senator mudofaa xarajatlarining oshirilishini qo‘llab-quvvatlagan. Sakkiz nafar senator esa qarshi chiqqan.
2018-yil uchun Milliy mudofaa to‘g‘risidagi qonun loyihasi mudofaa xarajatlarining darajasini va mablag‘lar sarflanishini nazorat qiladi.
Izoh (0)