Ukrainaga halokatli dovul yaqinlashmoqda

Ruminiyaga 17-sentabr, yakshanba kuni yopirilgan halokatli dovul Ukrainaga yaqinlashmoqda. Bu haqda “Bigmir.net” xabar berdi. 

Mazkur tabiiy ofat oqibatida Ruminiyada 8 kishi halok bo‘ldi, 70 ga yaqin kishi kasalxonaga yotqizildi.

Mamlakatda ayrim joylarda shamol kuchi soatiga 100 kilometrgacha yetgani, daraxtlarni qo‘porib, uy tomlarini ko‘targani bildirilmoqda. Ko‘plab elektr uzatish liniyalari, suv ta’minoti kanallari shikastlandi. 

Ruminiya favqulodda xizmatlari aholidan ko‘chaga chiqmaslikni so‘ramoqda. Hozirda dovul Ukraina tomonga siljimoqda.