Saudiyalik ayollarga aviadispetcher bo‘lib ishlash ruxsat etildi

Saudiya Arabistonida qirollik tarixida birinchi marta ayollarga aviadispetcher bo‘lib ishlash ruxsat etildi. Bu haqda 18-sentabr kuni Arabian Business ma’lum qildi.

Aytilishicha, Saudi Air Navigation Services kompaniyasi ayollar fuqaro aviatsiyasi davlat akademiyasida bir yillik tayyorgarlikdan o‘tganidan so‘ng ularni ishga qabul qilishga tayyor.

Kompaniya vakillari bu reja Vision 2030 milliy dasturining bir qismi ekanligini uqtirmoqda. Ushbu dastur iqtisodiyotni diversifikatsiya qilishni, qirollik tabaalari uchun ish o‘rinlarini ko‘paytirishni nazarda tutadi.