Dubay politsiyasi qutqaruvchilar kelguniga qadar yonayotgan uydan ukalarini qutqargan 12 yoshli bolani mukofotladi, deb xabar beradi GulfNews.
Ikki, to‘rt, sakkiz va o‘n ikki yoshli bolalar uyda kattalar nazoratisiz, yolg‘iz qolgan edi. Ulardan eng kichigi o‘t oldirish moslamasini o‘ynay turib, bexosdan uydagi pardani yoqib yubordi.
Uyning yonib ketayotganini ko‘rgan katta aka ukasini olib ko‘chaga chiqardi. Shundan so‘ng uyga qaytib, qolgan ikki ukasiga ham uydan chiqishga yordam berdi.
Keyinroq u uy xizmatchisiga yong‘in haqida xabar berdi va ular birgalikda kastryuldagi suv yordamida olovni o‘chirishga harakat qildi.
Uy ustidan chiqayotgan tutunni ko‘rgan qo‘shnilar qutqaruvchilarni chaqirdi. O‘t o‘chiruvchilar olov tarqalishining oldini oldi.
Politsiya yosh qahramonni qiyin vaziyatlarda to‘g‘ri qaror qabul qila olishini yuksak baholadi va uni mukofotladi.
Bolalarning otasi qutqaruv xizmati xodimlariga minnatdorchilik bildirib, o‘g‘lining jasoratidan faxrlanishini ma’lum qildi.
Izoh (0)