Sirdaryo viloyatining Mirzaobod tumanida temiryo‘lchilar oilalari uchun namunaviy loyiha asosida qurilgan 100 ta uy-joy foydalanishga topshirildi. Bu haqda O‘zA xabar bermoqda.
Sardoba suv ombori hududidagi “O‘zbekiston temir yo‘llari” aksiyadorlik jamiyatiga qarashli 6500 gektar maydonda chorvachilik va baliqchilik xo‘jaliklarini tashkil qilish, ishlab chiqarish korxonalari barpo etish, ushbu hudud infratuzilmasini rivojlantirish borasida bir qator ishlar amalga oshirilmoqda.
Qisqa fursatda bu yerda “Qishloqqurilishbank” aksiyadorlik tijorat bankining imtiyozli krediti hisobiga “O‘ztemiryo‘lqurilishmontaj” unitar korxonasi tomonidan namunaviy loyihalar asosida 100 ta zamonaviy uy barpo etildi.
Uylarning uzoq muddatli imtiyozli kredit asosida berilib, boshlang‘ich badali “O‘zbekiston temir yo‘llari” aksiyadorlik jamiyati tomonidan to‘lanayotgani temiryo‘lchilar uchun katta qulaylik yaratmoqda.
Izoh (0)