BMT irqiy kamsitishga barham berish qo‘mitasi AQSh hukumatini Sharlottsvilldagi voqealar munosabati bilan oq irq ustunligi mafkurasi ko‘rinishlariga chek qo‘yish va irqiy kamsitish bilan bog‘liq holatlarni qoralashga chaqirdi. Bu haqda “RBK” xabar bermoqda.
Qo‘mitaning tegishli bayonoti BMT inson huquqlari oliy komissari boshqarmasi saytida e’lon qilindi.
“Dunyoda oq irq ustunligi haqidagi irqchilik g‘oyalari yoki shunga o‘xshash mafkuralarga o‘rin bo‘lmasligi lozim. Ular inson sha’ni va barchaning tengligi tamoyillariga zid hisoblanadi”, — deyiladi qo‘mita bayonotida.
Qo‘mita AQSh hukumati, yuqori martabali siyosiy arboblar va davlat mansabdorlarini so‘z va fikr bildirish erkinligi irqiy nafrat va irqchilik asosidagi jinoyatchilik targ‘iboti uchun foydalanilmasligini ta’minlashga chaqirdi.
Izoh (0)