Yaponiyada Pepper robotiga budda udumlarini o‘rgatishdi va undan dafn marosimlarida foydalanishga qaror qilishdi

Diniy marosimlarni o‘tkazish bilan shug‘ullanuvchi Nissei Eco kompaniyasi dafn marosimlarini o‘tkazish uchun modifikatsiya qilingan Pepper robotini taqdim etdi, deb yozadi TJournal. Dafn marosimlarini arzonlashtirish uchun androidni qayta dasturlashdi va budda an’analariga o‘rgatishdi.

Robot bitta marosimni 450 dollarga o‘tkazadi, oddiy budda rohibi esa kamida 2 ming dollarga tushadi.

Nissei Eco maslahatchisi so‘zlariga ko‘ra, Yaponiya aholisi keksayib, ko‘proq vafot etayotgani uchun budda rohiblariga tobora kamroq pul to‘lashmoqda, ular esa pul ishlab topishning boshqa manbalarini qidirishiga to‘g‘ri kelmoqda. Shu sababli oddiy rohibni topish iloji bo‘lmay qolganida, robotlarga murojaat qilish mumkin bo‘ladi.