Shifokorlar Kubada ishlayotgan ayrim AQSh va Kanada diplomatlarida “bosh miyaning yengil shikastlanishi” va “markaziy asab tizimining shikastlanish ehtimoli”ni qayd etdi. Bu haqda “TASS” xabar bermoqda.
Oldinroq AQShning Kubadagi elchixonasi ikki xodimi davolanish uchun Amerikaga qaytishga majbur bo‘lgandi. Ular eshitish qobiliyatlarini yo‘qotishlari istisno etilmagani Gavanaga qaytmadi. Shundan so‘ng diplomatik vakolatxonaning yana bir necha xodimi orol-davlatni tark etishga qaror qildi.
CBS telekanali manbalariga ko‘ra, joriy yil iyun oyida 5 nafar Kanada diplomati va ularning oila a’zolari ham amerikaliklarda kuzatilgan kasallik alomatlariga duch kelgan.
Kuba TIV Gavananing AQSh elchixonasi xodimlari bilan bog‘liq holatlarga aloqadorligini butkul rad etdi.
Izoh (0)