Bir nechta aloqa operatorlaridan tarqalib ketgan ma’lumotlarga ko‘ra, Apple bir yo‘la uchta yangi smartfonini avval taxmin qilinganidek, 17-sentabrda emas, balki 12-sentabrda taqdim etadi, deb yozadi “Hi-tech.mail.ru”.
Insayderlar ta’kidlashicha, mobil aloqa operatorlariga allaqachon Apple taqdimoti qachon bo‘lib o‘tishi xabar qilingan, chunki ular bozorda bir yo‘la uchta yangi qurilma paydo bo‘lishiga oldindan tayyorlanishi kerak.
Taqdimot 12-sentabr kuni o‘tkazilishi, iPhone 7s va iPhone 8 ni o‘sha haftada — 15-sentabr kuniyoq oldindan buyurtma qilishni boshlash mumkin bo‘lishi, bozorga esa 22-sentabrda chiqishi kutilmoqda.
Shuningdek, ba’zi Xitoy manbalariga ko‘ra, iPhone 8 64, 256 va 512 Gb hajmli xotiralar bilan chiqadi.
Yangi iPhone’lar bilan birgalikda, sentabrdagi tadbirda Apple Watch’ning yangi avlodi va Apple TV uchun yangilanma taqdim etiladi, deb yozadi ba’zi manbalar.
Izoh (0)