Hindistonning markaziy qismidagi Gotmar Mela tosh uloqtirish festivali davomida jami 462 kishi jabrlandi . Bu haqda “RIA Novosti” xabar bermoqda.
Politsiya vakili Gaurav Tivari 10 kishi og‘ir jarohat olgani, ulardan uch nafarining holati qaltis ekanligini bildirdi.
Festival qatnashchilari tez tibbiy yordam va politsiya mashinalariga tashlanganidan so‘ng politsiya ko‘z yosh oqizuvchi gaz qo‘llashga majbur bo‘ldi.
India Today nashriga ko‘ra, Gotmar Mela an’anasi bir necha yuz yillik tarixga ega. Jaan daryosining turli qirg‘oqlarida joylashgan Pandxerna va Savargaon qishloqlari aholisi har yili toshlar bilan qurollanib, qirg‘oqqa chiqadi.
Festival o‘lim bilan tugaganligi holatlar ham bo‘lgani qayd etilgan.
Izoh (0)