Terrorizmga qarshi samarali kurashish uchun Afg‘onistondagi Amerika harbiylari vakolatlari kengaytiriladi. Bu haqda AQSh prezidenti Donald Tramp ma’lum qildi, deya xabar beradi “Gazeta.ru”.
“Biz terrorchilar va butun Afg‘oniston bo‘ylab zo‘ravonlik, xaos yoyayotgan kriminal tarmoqlarga zarbalar berish uchun Amerika qurolli kuchlari vakolatlarini kengaytiramiz”, — dedi Tramp.
Shuningdek, Tramp AQSh qo‘shinlarining Afg‘onistondan tezda olib chiqib ketilishi terrorchilar tomonidan foydalaniladigan bo‘shliqni yuzaga keltirishi mumkinligini ta’kidladi.
Izoh (0)