KXDR xalq armiyasi harbiy qo‘mondonligi AQSh va Janubiy Koreyaga hamkorlikdagi Ulchi Freedom Guardian mashg‘ulotlari uchun “beshafqat qasos” bilan tahdid qildi. Bu haqda Kyodo agentligi manbalariga tayanib, “Kommersant” xabar berdi.

“To‘g‘ri qaror qabul qilish zarurligi haqidagi ogohlantirishimizni e’tiborsiz qoldirganlari va xavfli harbiy fitnani boshlaganlaridan so‘ng, ular beshafqat qasos va jazodan qochib qutulolmaydi. Mashg‘ulotlar keltirib chiqaradigan halokatli oqibatlar uchun mas’uliyat to‘lig‘icha biz bilan harbiy qarama-qarshilik yo‘lini tanlagan AQSh zimmasida”, — ta’kidladi Shimoliy Koreya harbiylari.

Ulchi Freedom Guardian harbiy mashg‘ulotlari Janubiy Koreyada 21-avgust, dushanba kuni boshlandi. Har yili o‘tkaziladigan 11 kunlik mashqlarga 67,5 ming harbiy safarbar etilgan.