AQSh va Janubiy Koreya mudofaa vazirlari Jeyms Mettis va Son Yon Mu 30-avgust kuni Vashingtonda muzokaralar o‘tkazadi. Uchrashuv yakunlari bo‘yicha KXDR raketa-yadro muammosi bo‘yicha qo‘shma bayonot e’lon qilinadi, deya xabar beradi “TASS”.
KBS telekanaliga ko‘ra, umumiy xavfsizlik masalalari bo‘yicha AQSh—Janubiy Koreya maslahatlashuvlari dastlabki rejaga asosan shu yil oktabr oyida o‘tkazilishi kerak edi. Biroq Shimoliy Koreya salohiyati va raketa-yadro tahdidi ortib borayotganini inobatga olib, vazirlar uchrashuvini ertaroq o‘tkazishga qaror qilindi.
Jeyms Mettis va Son Yon Mu Shimoliy Koreyaga qarshi sanksiyalarning amalga oshirilishi, THAAD raketaga qarshi tizimlarining joylashtirilishi, Janubiy Koreya ballistik raketalarini modernizatsiya qilish va Seulga harbiy harakatlar vaqtida o‘z qo‘shinlari ustidan operativ nazorat huquqi berilishini muhokama etishi kutilmoqda.
Izoh (0)