Jahondagi eng mashhur kriptovalyuta — bitkoin tarixiy maksimumini yangiladi: uning kursi birinchi marta 4 ming dollardan, kapitalizatsiyasi esa 67 milliard dollardan oshdi. Buni “Coinmarketcap.com” maydonchasidagi sotuvlar natijalari ko‘rsatmoqda, deb xabar beradi “RIA Novosti”.
Bitkoin kriptovalyutalar ichida birinchi o‘rinni egallab turibdi. Bir sutka ichida u 9,21 foizga qimmatlashdi.
Ikkinchi o‘rinda Ethereum (efir) nomli valyuta turibdi. Uning kursi ayni paytda 297 dollarni tashkil qilmoqda, kapitalizatsiyasi esa 28 milliard dollarga yaqinlashmoqda.
Nihoyat, kriptovalyutalarning kuchli uchligiga Ripple yakun yasab beradi. Uning kapitalizatsiyasi 6,5 milliard dollarni tashkil etmoqda.
Izoh (0)