Venesuelaning davlat telekommunikatsion kompaniyasi hisoblangan Movilnet’ga hujum qilgan xakerlar yetti million kishini mobil aloqadan uzib qo‘ydi. Bu haqda Globovision xabar berdi.
10-avgustda yuz bergan xakerlik hujumi oqibatida Vensuelaning 13 million aholisidan yetti millioni mobil aloqadan uzilib qolgan. Rasmiylar hujum bo‘yicha tergovni boshladi va aybdorlarni izlamoqda.
Venesuela oliy ta’lim, fan va texnologiya vazirining ma’lum qilishicha, mamlakat telekommunikatsiya obyektlariga qarshi “tizimli terroristik hujumlar” Venesuela aloqa tizimini buzishga urinayotgan xorijlik agentlar ko‘magida amalga oshirilmoqda. Shuningdek, u mamlakatning yettita shtatida optik tolali kabellarga qasddan zarar yetkazish bo‘yicha yangi holatlar haqida ma’lum qilgan.
Izoh (0)