2017-yilning 10-avgust kuni “O‘zbekiston davlat jismoniy tarbiya instituti faoliyatini yanada takomillashtirish chora-tadbirlari to‘g‘risida” Prezident qarori imzolandi. Bu haqda Uz24 xabar berdi.
Qarorga muvofiq, O‘zbekiston davlat jismoniy tarbiya instituti Toshkent viloyati, Chirchiq shahri, Sportchilar ko‘chasi, 19-uyga va Chirchiq olimpiya zaxiralari kolleji Toshkent viloyati, Chirchiq shahri, Chirchiq 50 yillik ko‘chasi, 14-uy manziliga joylashtiriladi.
Chirchiq shahar V.Haydarov ko‘chasi, 1-uyda joylashgan “Olmaliq kon-metallurgiya kombinati” AJning bino va inshootlari hamda istirohat bog‘i O‘zbekiston davlat jismoniy tarbiya institutiga beriladi.
Hujjatda, shuningdek, O‘zbekiston davlat jismoniy tarbiya institutida 2017—2018-o‘quv yilidan boshlab ta’limning sirtqi bo‘limi tashkil etilishiga rozilik berildi.
Qarorning to‘liq matni bilan Prezidentning rasmiy saytida tanishish mumkin.
Izoh (0)