Toshkent shahridagi Shimoliy vokzal yaqinida joylashgan Farg‘ona yo‘li ko‘chasini Nukus ko‘chasi bilan bog‘lovchi yo‘l o‘tkazgich O‘zbekiston Mustaqilligining 26 yilligi arafasida foydalanishga topshiriladi. Bu haqda Xalqaro press-klubning 9-avgustda bo‘lib o‘tgan yig‘ilishida “O‘zbekiston temir yo‘llari” AJ boshqaru raisi o‘rinbosari Davron Dehqonov ma’lum qildi.
Ta’kidlanishicha, ayni vaqtda qurilish ishlari grafikka asosan yuqori sur’atlarda olib borilmoqda. Davron Dehqonov yo‘l o‘tkazgichni grafikda belgilangan muddatda topshirishga ishonch bildirmoqda.
Mirobod tumanidagi bu ko‘prikning eni 30, uzunligi 346 metr bo‘lgan qismi rekonstruksiya qilinadi, eni 22, uzunligi 281 metr bo‘lgan qismi esa yangidan quriladi. Yo‘l o‘tkazgich turar-joy dahasini aylanib o‘tadi va shaharning sharqiy qismini markaz bilan bog‘laydi.
Izoh (0)