Rossiya prezidenti Vladimir Putinning ta’tili aks etgan kadrlar Internetning nafaqat rus tilidagi segmentida, balki G‘arb OAVlarida ham juda ko‘p marta tomosha qilinmoqda va izohlar yig‘moqda, deb yozadi “Vesti.ru”. Nashr eslatishicha, u bir necha kunni Janubiy Sibiriyada o‘tkazgan edi, 7-avgust kuni esa Kreml sayti Rossiya prezidentining hordiq chiqarayotgani aks etgan 46 daqiqalik videoni e’lon qildi.
Sibirga safari chog‘ida u taygada bo‘ldi. U yerda prezident tog‘ ko‘llarida baliq tutdi, daryolarda motorli qayiqlarda yurdi, kvadrotsiklda va piyoda tog‘dan tog‘ga ko‘chib yurdi.
Safarda Rossiya prezidentiga mudofaa vaziri Sergey Shoygu, shuningdek, Tuva rahbari Sholban Kara-ool va Xakasiya rahbari Viktor Zimin hamrohlik qildi. Jurnalistlar iltimosiga binoan u “yovvoyi” hordiq chog‘ida nimalar bilan oziqlanishgani haqida gapirib berdi.
Ular o‘zlari ovlagan narsalarni yegan: xususan, baliqsho‘rva va cho‘rtanbaliqdan kotlet pishirgan.
Bundan tashqari, foto va video kadrlarga yozilgan izohlarda ko‘pchilik tayga bo‘ylab sayohat chog‘ida Putinning cho‘ntagidan chiqib turgan shoxcha nimaligi bilan qiziqqan. Afsuski, ularning savollari javobsiz qolgan va ular taxminlar bilan cheklangan, xolos.
Izoh (0)