KXDR jangovar kallak orqali atmosferaning qalin qatlamlarini yorib o‘tish texnologiyasini muvaffaqiyatli tarzda o‘zlashtirdi, bu qit’alararo ballistik raketa yaratishga yo‘l ochib beradigan jihat hisoblanadi. Bu haqda Koreya Respublikasi parlamenti mudofaa qo‘mitasi rahbari Kim Yon U KBS radiostansiyasiga bergan intervyuda aytib o‘tdi, deb yozadi “TASS”.
Uning so‘zlariga ko‘ra, Janubiy Koreya harbiylari 28-iyul kuni yaponiyalik guvohlar tomonidan olingan, Shimoliy Koreya jangovar kallagi atmosferaning zich qatlamlariga kirishi aks etgan videoyozuvni puxtalik bilan o‘rgangan.
“Videoda qulayotgan obyektdan chiqayotgan nurlanish juda tekis ekanini ko‘rish mumkin”, — dedi Kim Yon U. Uning fikricha, bu raketaning jangovar qismi o‘ta yuqori haroratlar va bosimlarga chidam bergan holda, havoda parchalanib va yonib ketmasdan, nishonga borib urilganidan darak beradi.
Mudofaa qo‘mitasi rahbari, shuningdek, Pxenyan raketaning aniqligini sezilarli ravishda oshirishga erishganini aytdi. Janubiy koreyalik harbiylar ma’lumotlariga ko‘ra, jangovar kallak Xokkaydo orolidan 150 km masofaga qulagan.
Izoh (0)